imagen1 imagen2 imagen3 imagen4
Asistencia e Investigación
dos Trastornos da Personalidade

Colaboran con nosotros:

Sergas Consellería Traballo Fundación Mapfre Concello Santiago de Compostela Voluntariado galego Diputacion de la Coruña La Caixa

¿Que son os Trastornos da Personalidade?

Os Trastornos da Personalidade (TP) caracterízanse por patróns persistentes e inflexibles de percepción, reacción e relación, que afectan á forma en como o suxeito percibe e procesa o mundo que lle rodea e que se apartan do que se considera habitual na sociedade en que vive. As persoas que os sofren teñen unha carencia en habilidades de afrontamento, e dificultades para adaptarse ás esixencias propias da vida cotiá, como o traballo, a familia, os amigos, etc. Estes comportamentos adoitan ser estables en diferentes situacións, manténdose o seu patrón de resposta.

Outras características son os cambios frecuentes no estado de ánimo, os comportamentos desadaptados, as dificultades nas relacións interpersonais, a falta de control dos impulsos e os sentimentos de vacío, e o seu inicio remóntase á adolescencia ou principio da idade adulta. Estas disfuncións xeran no enfermo un gran sufrimento, e moitas veces este sufrimento tamén é compartido polas familias coas que conviven, dada a gran desestructuración que xera nelas (discusións constantes, crises, problemas de comunicación, rupturas familiares, frustración, etc.).

Causas:

As causas dos TP son unha combinación de factores biolóxicos, xenéticos, psicolóxicos e ambientais, sendo a interacción deles as que están na súa orixe e desenvolvemento.

Evolución:

O curso destes trastornos é crónico, desenvolvéndose as súas características básicas na infancia e posteriormente consolidándose na adolescencia. Os síntomas máis agudos tenden a suavizarse conforme pasa o tempo. O seu diagnóstico é de difícil realización. A prevalencia é alta, podendo estar en torno ao 10-13% na poboación xeral, variando en cada tipo de trastorno e aumentando en poboacións hospitalarias.

A avaliación dos TP debe facerse tendo en conta se os síntomas que presenta a persoa son estables e o momento do seu comezo. Para iso utilízanse diversos instrumentos de avaliación, así como entrevistas estructuradas das que se pode extraer un diagnóstico clínico acertado. É tamén importante realizar unha análise funcional á hora de avaliar e tratar un TP, solicitando información de cales son os factores que predispoñen, as variables desencadenantes e de mantemento, ou agravantes, con respecto aos problemas do suxeito.

Tratamento:

O tratamento dos TP adoita ser unha combinación de terapia farmacolóxica e condutual, sendo os obxectivos destas terapias diminuílos síntomas, a normalización das respostas e mellóra do comportamento social e laboral da persoa. Céntranse basicamente na modificación de condutas problemáticas específicas. Algunhas destas terapias abordan o compoñente cognitivo, coa modificación de esquemas da personalidade.

Clasificación:

As clasificacións dos TP máis utilizadas en psiquiatría son as da Asociación Psiquiátrica Americana, na última edición do seu Manual Diagnóstico e Estatístico dos Trastornos Mentais (DSM-IV-TR), e da Organización Mundial da Saúde, que fai o propio na décima Clasificación Internacional de Enfermidades (CIE-10). Ambas se reproducen na seguinte táboa, na que tamén se mostra a súa correspondencia:

DMS-IV-TR CIE 10
Trastorno Paranoide Trastorno Paranoide
Trastorno Antisocial Trastorno Disocial
Trastorno de Inestabilidad Emocional Impulsivo
Trastorno Límite Trastorno de Inestabilidad Emocional Límite
Trastorno Histriónico Trastorno Histriónico
Trastorno Narcisista
Trastorno Pasivo-Agresivo
Trastorno Obsesivo-Compulsivo Trastorno Anancástico
Trastorno por Dependencia Trastorno Dependiente
Trastorno Esquizoide Trastorno Esquizoide
Trastorno Esquizotípico
Trastorno por Evitación Trastorno Ansioso


Valid XHTML 1.1! Valid CSS!
anteriorXuño 2020posterior
LunMarMerXovVenSabDom
1234567
891011121314
15161718192021
22232425262728
2930-----